** শাৰদ--তোমাক স্বাগতম **
মধুময় শৰতৰ
বৰ্ণময় কলাজেৰে সিক্ত
শেৱালিৰ স্নিগ্ধ সুবাসেৰে
মুখৰিত আকাশ-বতাহ,
প্ৰাণোচ্ছল যুৱ মনৰ
সুবিশাল ডেউকাত
প্ৰাত্যহিকতাৰ এক
অনামী আখৰা....
নিয়ৰসিক্ত দূবৰি বনত
তলসৰা শেৱালিৰ
সুদৃশ্য দস্তখত...
স্বচ্ছ-মসৃণ ধৰালে'
আহিছে নামি
আশাৰ ''ঋতুৰাণী'' শৰৎ..
আৰু
আহিছে দশভূজা
হস্তীত উঠি..
স্বপ্নহাৰা, নিঃস্বজনৰ দুচকুত
সানি দিছে স্বপ্নৰ অঞ্জন,
কৰ্মক্লান্ত শৰীৰত
প্ৰশান্তিৰ নিবিড় নিৰ্যাস...
উপান্ত কৃষকৰ মন-গহণত
এক অনামী আশাৰ মিছিল..!
দশোদিশ মুখৰিত
সপ্তসুৰৰ মূচ্ছৰ্নাত,
উৎসৱৰ মহানন্দত.....
শাৰদ তোমাক জনালোঁ স্বাগতম..!!
ණ প্ৰিন্স অবিনাশ
