** তুমি নাৰী **
তুমি নাৰী,
তোমাৰ হৃদয়ৰ দুৱাৰ খুলি
ভিতৰলৈ যাব খোজে
কোনোবা আগন্তুক..
গুটিমালতী ফুলৰ দৰে
লহপহকৈ বাঢ়ে
তোমাৰ যৌৱন,
আৰু তেতিয়াই
বাৰীত ৰোৱা হয়
হালধী গছৰ পুলি...
সপোন বুটলিয়েই তুমি
লালন কৰা নতুন স্পন্দন
দুশ আশীদিনীয়া
অনুভৱী হৃদয়ৰ
আলোড়ন :
সেয়াও এক সপোন
আৰু তাৰ প্ৰস্তুতিপৰ্ব !!
(''আন্ত:জাৰ্তিক নাৰী দিৱস'' ৰ প্ৰাকক্ষণত সকলো নাৰীলৈ শ্ৰদ্ধা ও মৰমেৰে--প্ৰিন্স অবিনাশ)
----------------------------
** তাই গাভৰু হ'ল **
তাই গাভৰু হ'ল
ডেকা-আদহীয়া
সকলো চঞ্চল হ'ল !
যৌৱনে আবিৰ সানিলে
তাইৰ দেহত-মনত..
তাইৰ লাজ বাঢ়িল...
মাক-দেউতাকৰ
বাঢ়িল চিন্তা !
লুভীয়া চকুবোৰ
আজিকালি ৰৈ থাকে,
কিজানি খহি পৰে
তাইৰ বুকুৰ আঁচল...!
মাকে তাইক আজিকালি
প্ৰায়েই কয়,
''মাজনী, এতিয়া তোমাৰ
গহীন হোৱাৰ সময় ...!''
----------------------------
* এগৰাকী ধৰ্ষিতাৰ আত্মকথন *
অ' ব'হাগ
তই কিয় আহিলি ??
তোৰ আগমণত
দুখী মোৰ মন..
আগ চোতালত বহি
স্মৃতিৰ বুকুত
কান্দি উঠে
মোৰ হৃদয়...
পুনৰ ঘুৰি আহিব জানো
সেই সোণালী দিন বোৰ ??
পুৱাৰ বেলিটি বাৰু
ক'ত হেৰাল ??
দিন-ৰাতি
হাঁহি-ধেমালিৰ খেল খেলি
আঁতৰি গ'ল
সকলো গছকি...
দুবছৰ পূৰ্বে নিশা অহা
সেই ধুমুহা জাকে
মোৰ কপালত
আঁকি দিলে দুখৰ ছবি...
উস !
তই কি বুজিবি
কিদৰে আছো
জীয়াই মই ??
কিদৰে পাৰ কৰিছো
মই প্ৰতিটো পল ??
হঠাতে যে মই
হৈ গ'লো সৰ্বস্বান্ত ...
থান-বান হৈ গ'ল
মোৰ সকলো স্বপ্ন....
অ' ব'হাগ,
তই আকৌ
কিয় আহিলি
মোৰ পদুলিত ??
----------------------------
পখিলা খেদা বয়সতে
তাই হেৰুৱালে
তাইৰ কুমাৰীত্ব
জানেনে কোন আছিল
সেই 'কাপুৰুষ' ??
হয়, সেই 'নৰাধম' আছিল
তাইৰ 'পিতৃ' !! ;(
----------------------------
ණ প্ৰিন্স অবিনাশ
